Pak kujdes bën
një ndryshim të madh.

Pranë jush për mirëqenien e përditshme.

Nga një biznes familjar, në një vizion të përbashkët.
Historia e Aerd Farma fillon në vitin 2002, si një biznes familjar me një objektiv të thjeshtë, por të rëndësishëm: të sjellë në tregun shqiptar produkte të kujdesit shëndetësor dhe të ndërtojë marrëdhënie të qëndrueshme me klientët dhe partnerët. Por historia e Aerd Farma-s mori një tjetër drejtim në vitin 2017.
Ishte momenti kur Diamant Topalli dhe Osman Doçi morën drejtimin e kompanisë dhe u bënë ortakë të saj. Për ne, kjo nuk ishte thjesht një marrëveshje biznesi. Ishte fillimi i një projekti të përbashkët dhe i një vizioni që do të ndërtohej në vitet që do të vinin.
Të bashkuar nga pasioni për punën, ambicia për t'u zhvilluar dhe dëshira për të ndërtuar diçka tonën, vendosëm që Aerd Farma të mos ishte thjesht një kompani ku punonim, por një kompani ku do të ndërtonim të ardhmen tonë profesionale.
Që nga ajo ditë, rritja e Aerd Farma-s është udhëhequr nga një parim i qartë:
Të sjellim në Shqipëri produkte të zgjedhura me kujdes, të prodhuara sipas standardeve europiane dhe të krijojmë vlerë reale për tregun.
Ne besojmë se një produkt i mirë nuk mjafton.
Ai duhet të shoqërohet nga cilësia, informacioni profesional, prezantimi i duhur, shërbimi dhe besimi.
Për këtë arsye, gjatë viteve kemi ndërtuar një strukturë që mbështetet në disa shtylla kryesore.

PRODUKTE EUROPIANE. STANDARDE TË LARTA.
Partneritetet tona me prodhues europianë janë një nga themelet e kompanisë.
Kërkojmë produkte që sjellin cilësi, siguri dhe risi, duke zgjedhur partnerë me të cilët mund të ndërtojmë marrëdhënie afatgjata.
Ambicia jonë nuk është të sjellim thjesht një produkt të ri në treg.
Është të sjellim produkte që kanë një arsye për të qenë në treg.

RISI QË SJELL VLERË
Tregu i kujdesit shëndetësor ndryshon vazhdimisht.
Për këtë arsye, Aerd Farma kërkon vazhdimisht mundësi të reja, kategori të reja dhe produkte inovative që mund t'i japin një alternativë më të mirë tregut shqiptar.
Ne besojmë se zhvillimi nuk vjen vetëm duke ndjekur tregun.
Vjen duke kuptuar se çfarë do të kërkojë tregu nesër.

FARMACIA — PARTNERI YNË
Gjatë viteve kemi ndërtuar marrëdhënie me farmaci dhe partnerë në zona të ndryshme të Shqipërisë.
Për ne, farmacia nuk është vetëm pika ku përfundon një produkt.
Është një partner i rëndësishëm në rrugëtimin e tij, ndaj investojmë në marrëdhënie afatgjata, komunikim të vazhdueshëm dhe shërbim korrekt.

INFORMACION PROFESIONAL
Një nga investimet tona më të rëndësishme ka qenë ndërtimi i një strukture për prezantimin profesional të produkteve pranë mjekëve dhe profesionistëve të shëndetësisë.
Ekipi ynë i Medical Representatives punon për të sjellë informacion të qartë dhe profesional, për të ndërtuar marrëdhënie afatgjata dhe për të mbështetur zhvillimin e produkteve në treg.
Kjo strukturë është sot një pjesë e rëndësishme e mënyrës se si Aerd Farma ndërton markat e saj.

LOGJISTIKË QË MBËSHTET RRITJEN
Pas një produkti të mirë dhe një partneriteti të fortë, qëndron një tjetër element thelbësor: aftësia për ta çuar produktin në treg, në kohën e duhur.
Për këtë arsye kemi zhvilluar strukturën tonë të logjistikës dhe shpërndarjes, duke synuar një shërbim të organizuar dhe të qëndrueshëm për partnerët tanë.
Sepse rritja nuk matet vetëm me numrin e produkteve.
Matet edhe me aftësinë për t'i shërbyer siç duhet tregut.

NJË RRUGËTIM QË VAZHDON
Nga një biznes familjar i krijuar në vitin 2002, në një kompani të drejtuar mbi një vizion të përbashkët që nga viti 2017, Aerd Farma ka kaluar nëpër një proces të vazhdueshëm zhvillimi.
Sot kemi një vizion edhe më të qartë për të ardhmen.
Të vazhdojmë të ndërtojmë një kompani shqiptare me standarde europiane, të rrisim partneritetet ndërkombëtare, të sjellim produkte të reja dhe të zhvillojmë njerëzit dhe strukturat tona.
Por mbi të gjitha, të ruajmë atë që ka qenë në themel që nga fillimi:
pasionin për punën, dëshirën për t'u zhvilluar dhe besimin se gjërat më të mira ndërtohen kur dy njerëz vendosin të ndërtojnë diçka së bashku.

Shikoni koleksionin tonë për kujdesin personal, mirëqenien dhe shëndetin. Nëse keni pyetje për një produkt, ekipi ynë është këtu për t’ju ndihmuar.